டிரஸ்ட்யின் நோக்கம்

புனித அந்தோனியார் குருசடி

1958 இல் நமது பங்கு குருசடியின் திளைப்பங்காகவும் அருட்தந்தை னு.ஊ அந்தோணி அடிகளார் பங்கு தந்தையாகவும் இருந்த காலத்தில் நம் ஆலய வளாகத்தில் 9 அறைகள் கொண்ட சாவடி கட்டப்பட்டது. அதில் நோயாளிகள், பிரசவ கால பெண்கள் வந்து தங்கி சுகமடைந்து செல்வார்கள். சாவடியில் வசிப்பவர்கள் செபிப்பதற்காக அந்தோணியார் குருசடி கட்டலாம் என்று ஊர்க்கூட்டத்தில் முடிவாயிற்று. ஆலயத்தின் வட கிழக்கே ரோட்டோரமாகத் திருபாப்புக் குடும்பத்தைச் சேர்ந்த திரு. ஞானபிரகாசம் என்பவர் கொடுத்த 34 சென்ட் இடத்தில் குருசடி கட்டலாம் எனத் தீர்மானித்தார்கள். பல கடற்கரைகிராமங்களில் ஆலய கட்டுமான பணி செய்து வந்த நமது ஊரைச் சேர்ந்த திரு. ஜார்ஜ் மேஸ்திரி தாண்ட்ராக்டர்) குருசடி கட்டுமானப் பணியை மேற்கொண்டார்கள். குருசடி மூன்று அடுக்காக கட்டப்பட்டது. கீழ் பகுதி காணிக்கை பெட்டியாகவும். நடுப்பகுதி அந்தோணியார் கரூபக் கூடாகவும், மேல் பகுதி மாதா சுரூபக் கூடாகவும் கலை அம்சத்தோடு மிகவும் சிறப்பாக கட்டப்பட்டிருந்தது. அந்தக் காலக் கட்டத்தில் நமது ஆலயத்தில் வழிபாட்டிற்கு வைக்கப்பட்ட சுரூபங்கள் அனைத்துமே திரு. ஜார்ஜ் (சோர்ஸ்) காண்ட்ராக்டர் அவர்களால் சிமென்டால் செய்யப்பட்டவை என்பது குறிப்பிடத்தக்கதுஅதில் உயிர்த்த.... இயேசு சுரூபம் இன்னமும் நாம் பயன்படுத்திக் கொண்டிருக்கிறோம். அது போலவே அந்தோணியார் சுரூபம் அவரால் சிமென்டால் செய்யப்பட்டு வழிபாட்டுக்கு வைக்கப்பட்டது. ராஜாக்கமங்கலம் சாலையில் செல்பவர்கள் குருசடியைக் கடந்து செல்லும் பொழுது நின்று வணங்கிச் செபித்துக் காணிக்கை செலுத்தி விட்டுச் செய்வது வழக்கம். இந்தக் காணிக்கை கோயில் கட்டுமானப் பணிக்கு மிகவும் உதவியாக இருந்தது.

கார்மல் நகர் 1970- இல் தனிப்பங்கான பின் அந்தோணியார் குருசடியில் வருடத்திற்கு ஒரு முறை புனிதரின் திருவிழா திருப்பலி நடைபெற்று வந்தது. அருட்பணி தாமஸ் பரனாண்டோ பங்குத்தந்தையாக வந்த பின் ஒவ்வொரு செவ்வாய்க்கிழமையும் மாலை குருசடியில் வைத்து நவநாள் நடைபெற்று வந்தது. அதன் பின்னர் வந்த பங்கு தந்தையர்கள் செவ்வாய் தோறும் நவநாள் திருப்பலி நடத்தி வந்தார்கள். கொரோனா காலத்தில் ஆலயத்தின் வெளியே திருப்பலி நடத்த அரசு தடை விதித்த பின்னர் அது நிறுத்தப்பட்டு இப்போது மீண்டும் தொடர்கிறதுமாதம் ஒரு முறை (கடைசி செவ்வாய் பக்தர்களுக்குத் திருப்பலி முடிந்ததும் அசனம் வழங்கப்படுகிறது. வளர்ச்சியின் அடையாளமாக 27-12-2016 -இல் அருட்பணி பாட்ரிக் சேவியர் பங்குத்தந்தையாகவும் திரு. யு செல்வராஜ் ஊர் தலைவராகவும் இருந்தபோது குருசடி புதுப்பித்துக் கட்டப்பட்டு இன்று பிரம்மாண்டமான தோற்றத்துடன் மேல் ட்டில் பாத்திமா மாதா சுரூபம், நடுத் ட்டில் அந்தோணியார் சுரூபம், கீழ்தட்டில் கான கை பெட்டியுமாக அமையப்பெற்று தினமும் நாடி ரும் பக்தர்களுக்கு அருளைப் பொழிந்த வளினம் இருக்கிறது.

தற்போது செவ்வாய் தோறும் நடைபெறும் நவநாள் திருப்பலியில் நோய் குணமடைந்தவர்கள், வேண்டுதல்கள் நிறைவேறப் பெற்றவர்கள் ஏராளமான பக்தர்கள் சாட்சியளித்து வருவது கவனத்துக்குரியது.

புனித அந்தோனியார் குருசடி-மீன்சந்தை

கார்மல் நகர் லிட்டில் பிளவர் தெருவில் அமைந்துள்ள புனித அந்தோனியார் குருசடி அன்றாடம் மீன் சந்தைக்கு வந்து செல்லும் ஆயிரக் கணக்கான பொதுமக்களுக்கும், வியாபாரிகளுக்கும் ஒரு ஆன்மீக அரணாகவும், வழிபாட்டு மையமாகவும் அமைந்துள்ளது. இது 1979-ஆம் ஆண்டு முன்னான் ஊர்த் தலைவர் திரு. எஸ். எம். ஜேம்ஸ், திரு. செல்வராஜ் ஆகியோரின் பெரும் முயற்சியால் கட்டி முடிக்கப் பட்டு அன்றைய பங்குத் தந்தை அருட்பணி தாமஸ் பர்னாண்டோ அவர்களால் அர்ச்சித்துத் திறந்து வைக்கப் பட்டதாகும்.

இந்தக் குருசடி அமைந்துள்ள மீன் சந்தை வளாகமும் பின்புறம் காணப்படும் 400 வருடத்துக்கு மேல் தொன்மை வாய்ந்த கல்லறைத் தோட்டமும் கோட்டாறு மலயன் திருப்பாப்பு நாடார் குருசடிப் பள்ளி வகையென்று பட்டயம் செய்யப்பட்ட ஜசர்வே 2333ஸ 12 சென்ட் நிலமாகும். 1955-ஆம் வருடம் ஆகஸ்ட் 6-ஆம் தியதி மலயன் திருப்பாப்பு நாடாரின் வாரிசுகள் திருடி எஸ்.தொம்மையப்பன் திரு டி. அந்தோனி செபஸ்தியான் திரு. எம். பாக்கியம் ஆகியோர் தங்களது குடும்பக் கல்லறையாகப் பயன்பாட்டின் இருந்த இந்த இடத்தைப் பங்குமக்கள் அனைவரும் பயன்படுத்தும் விதமாக இராமன்புதூர் திருக்குடும்ப ஆலயத்துக்கு இஷ்ட தானமாக பத்திரப் பதிவு செய்து கொடுத்துள்ளனர். பிற்காலத்தில் பக்கத்து நிலங்களும் கார்மல் நகர் ஊர் நிர்வாகத்தால் விலைக்கு வாங்கப்பட்டு, கல்லறை விஸ்தரிக்கப்பட்டுள்ளது. இங்குச் செயல்படும் மீன் சந்தை 1967-இல் தான், கோல்டன் தெருவிலிருந்து இந்த இடத்திற்கு மாற்றும் செய்யப்பட்டது.

2017-ஆம் ஆண்டு 19 உறுப்பினர்களோடு, ஆன்றனி அலக்ஸ் தலைவராகவும் முனைவர் பி. சுவாமிதாஸ் ஒருங்கிணைப்பாளராகவும் இந்தக் குருசடியில் தொடங்கப்பட்ட புனித அந்தோனியார் மக்கள் நல்வாழ்வு மன்றம் என்ற அமைப்பு. குருசடி பராமரிப்பையும் ஜெப வழிபாடுகளையும் ஏற்றெடுத்து ஜூன் 13-இல் அந்தோனியார் திருவிழா மற்றும் சமபந்தி நடத்தத் தொடங்கியது. 2023-ஆம் வருடம் பெப்ரவரி மாதம் இந்த அமைப்பின் தலைவர் மி ஆன்றனி அலக்ஸ், செயலர் ஜி.ஜான் டிகால், பொருளர். அப்போலின் சார்லஸ்,ஒருங்கிணைப்பாளர் எஸ்.ஜெயராஜ் ஆகியோர் குருசடியைப் புதுப்பித்துக்கட்ட கார்மல் நகர தொடர்ந்து, எஞ்சினியர் திரு. சகாய ஆரோக்கிய ராஜ் அவர்களின் வரைபட திட்ட ஆலோசனையில், 6.3.2023 பங்குத்தந்தை அருட்பணி அன்று சகாய பிரபு அவர்களால் அடிக்கல் நாட்டப்பட்டு, மூன்றே மாதத்தில் கட்டிடப் பணிகள் நிறைவு செய்யப் பட்டு 13.6.2023 அன்று பங்குத் தந்தை. அருட்பணி, சகாய பிரபு அவர்களால் அர்ச்சித்துத் திறந்து வைக்கப்பட்டது. அறு பக்கப் பரிமாணத்தில் கட்டப்பட்டுள்ள புதிய குருசடியில் புனித அந்தோனியார், புனித தேவசகாயம், மற்றும் மிக்கேல் அதிதூதர் இருப்பது தனிச்சிறப்பு.

ஜூன் 13-ஆம் தேதி திருவிழாவும் சம்பந்தியும் ஒவ்வொரு ஆண்டும் இந்தக் குருசடியில் புனித அந்தோனியார் மக்கள் நல்வாழ்வு மன்றத்தினரால் நடத்தப்படுகிறது.

புனித சூசையப்பர் குருசடி

இந்த வழிபாட்டுத்தலம் குசையப்பர் குருசடி என்று அறியப்பட்டாலும் நமது பாதுகாவலாய் எழுந்தருளியிருக்கிற பரிசுத்த திருக்குடும்பத்தின் அங்கங்களான மாமுனி சூசையப்பரும் வேளாங்கண்ணி மாதாவாக மரியாவும் மேல்தட்டிலே குழந்தையாக இயேசுவும், புனித டோன் போஸ்கோவோடு ஒருங்கே காட்சியளிப்பது தனிச் சிறப்பு.

தூய சூசையப்பர் குருசடி அமைந்துள்ள இந்தப் பகுதி கார்மல் நகர் பங்கின் 350-க்கும் மேற்பட்ட குடும்பங்கள் வாழும் சிறுமலர் தெரு கோல்டன். திருப்பாப்பு தெரு, கார்மல் தெரு பகுதிகளை உள்ளடக்கி அமைந்துள்ள மூன்று நூற்றாண்டுக்கு முன்பே புனிதரும் மறைசாட்சியுமான தேவசகாயம் ராமன்புதூர் மண்ணில் சிறை வைக்கப்பட்ட காலத்திலேயே கத்தோலிக்கக் கிறிஸ்தவம் காலூன்றிய அன்றைய மேலக்காட்டின் பகுதியென்பது" இதன் சரித்திர பரிமாணம், தொழிலாளர்களும் கட்டிடக் கலைஞர்களும் அடர்த்தியாக வாழுகின்ற தொழிலாளர்களின் இந்தப் பகுதியில் பாதுகாவலராகப் போற்றப்படும் குசையப்பரின் குருசடி ஒன்று அமைக்கப்பட வேண்டுமென்பது இப்பகுதி மக்களின் ஆவல். இதன் விளைவாக (3.11.1962) அந்தோனிமுத்து ஆண்டகை தாய்ப்பங்காம் குருசடி நமது பங்குத்தந்தையாக இருந்த போது இந்தப் பகுதியில் புகழ் பெற்று விளங்கிய கட்டிட கான்டிராக்டர் கிறாஸ் மேஸ்திரி மகன் மிக்கேல் அற்காஞ்சல் அவர்களால், இன்று குருசடி அமைந்துள்ள சர்வே எண் 2313-க்கு உட்பட்ட இந்த நிலமானது திருக்குடும்ப கோவில் வகைக்கு இஷ்டதானமாக எழுதிக் கொடுக்கப்பட்டது. இந்த இடத்தில் குருசடி கட்டுவதற்கான முயற்சி 1980-ஆம் ஆண்டில் அருட்தந்தை தாமஸ் பர்னாண்டோ பங்குத்தந்தையாக இருக்கும் போதே இந்தப்பகுதி இளைஞர்களால் தொடங்கப் பட்டாலும் 1991-ஆம் ஆண்டு தான் நிறைவு பெற்றது. இந்தப் பகுதி இளையோரையும் பெரியோரையும் ஒருங்கிணைத்த திரு எம்சி நெல்சன் அவர்கள் தலைமையில் திரு லாசர் திரு.மரியஜான்சன் (முன்னாள் ஊர் தலைவர்கள்! ஆகியோர் துணை நிற்க, பக்கத்து பங்குத்தளமான மேலராமன்புதூர், தளவாய்புரம் பகுதியைச் சேர்ந்தவர்களின் உற்சாகமான ஒத்துழைப்போடும். பங்களிப்போடும். அருட்தந்தை பீட்டர் அவர்கள் பங்குத்தந்தையாக இருந்த போது ரூ.78000ஃ- செலவில் 1992-இல் முழுமையான வழிபாட்டுத்தலமாகக் கட்டி முடிக்கப் பட்டுத் திறக்கப்பட்டது.

கடந்த இருபது ஆண்டுகளாக இங்குச் சூசையப்பர் விழாவான மார்ச் 19-ஆம் தேதி நிறைவுறும் வகையில் 10 நாள் திருவிழா கொண்டாடப் படுகிறது. இறுதி நாளில் திருப்பலியும், தொடர்ந்து சுமார் 3000 பேர் வரை பங்கு பெறும் சமயந்தியும் சிறப்பாக நடத்தப் படுகிறது. இந்தப் பகுதியில் வாழும் இறைமக்கள் அனைவரும் ஒன்றுபட்டுத் தங்கள் ஒற்றுமையையும் ஒத்துழைப்பையும் பங்கு எவ்லைகளுக்கும் அப்பால் மனித நேயத்தோடு இறைவனில் ஒன்றித்துப் பறைசாற்றும் வருடாந்திர நிகழ்வாகவும் அது அமைகிறது. ஒவ்வொரு வாரமும் புதன் கிழமை மாலை முதல் 8 மணி வரை இந்தக் குருசடியில் சுமார் 150க்குமேல் இறைமக்கள் பங்குபெறும் ஜெபவழிபாடு நடைபெறுகிறது. குறிப்பாக, மாதத்தின் முதல் புதன் கிழமை காரமல் நகர்.

புனித லூர்து அன்னை குருசடி

குமரி மாவட்டத்தின் பல்வேறு பகுதிகளிலிருந்து வேலைவாய்ப்பு தேடி வரும் கட்டிடத் தொழிலாளர்கள் அன்றாடம் அதிகாலை கூடும் இராமன்புதூர் சந்திப்பில், ரீட்டாஸ் கான்வென்டின் முகப்பின், கிழக்கு முனையில் அமைந்துள்ள லூர்து மாதா கெபி, 1978-ஆம் வருடம் ஜூன் 4-ஆம் தியதி அப்போதைய கார்மல் நகர் பங்குத் தந்தை அருட்பணி. தாமஸ் பர்னாண்டோ அவர்களால் அர்ச்சித்துத் திறந்து வைக்கப்பட்டது. இது கார்மல் நகர் பங்குக்கு சொந்தமானது. இந்த இடத்திலுள்ள அரச மரத்தடியில் காணப்பட்ட அசுத்தங்களை அகற்றி, இதில் ஒரு லூர்தன்னை கெபி அமைக்க வேண்டுமென்ற முனைப்போடு திரு. து.பர்ணபாஸ்,லு.ஜோசப் ஆசிரியர்,திரு. சிலுவைராயன், திரு. ஜோன்ஸ் ஆகியோர் இணைந்து, திரு. னு. தாமஸ், திரு.வி. அல்போன்ஸ் ஆகியோர் துணையோடு, இந்தப் பகுதி இறைமக்களின் நிதிப் பங்களிப்போடு ரூ. 2620/- செலவில் இந்த கெபி உருவாக்கப்பட்டது.

இன்று ரீட்டாஸ் கான்வென்ட் அமைந்துள்ள 52 சென்ட் நிலப்பரப்பு, குருசடி அந்தோனியார் ஆலயத்துக்கு இராமன்புதூரைச் சேர்ந்தவரும், பள்ளி ஆசிரியருமான திரு. மிக்கேல் உபாத்தியார் என்பவர் இஷ்டதானமாகக் கொடுத்த பூமியாகும். இவரது கல்லறை இன்றளவும் ரீட்டாஸ் கான்வென்டுக்கு எதிர்புறம், சென் மேரிஸ் கிழக்கு தெருவில் உள்ள இவரது "கிணற்றங்கரையார்" குடும்ப சுமித்தேரியில் உள்ளது. அதிலிருந்து ஒரு சிறிய கட்டிடத்தில் 1940 களில் இராமன்புதூர் இளைஞர்கள் ஒரு 'நூலகம் நடத்தி வந்த நிலையில், சிறுமலர் பள்ளியை நிர்வகிக்க வந்த அருட்சகோதரிகள் தங்குவதற்காக கோட்டாறு ஆயர் மேதகு ஆஞ்சிசாமியின் அனுமதியில் 1942-இன் அருட்சகோதரிகளுக்கு இடம் வழங்கப்பட்டது. பின்பு 1956 -இவ் கார்மல் நகர் குருடியில் துணைப் பங்காக இருந்த போது, சர்வே 2406 க்கு உட்டபட்ட இந்த நிலம், ஆலய பத்திரப்பதிவு செய்து கொடுக்கப்பட்டது. (. லீனஸ்ராஜ். 2021)

பிரான்ஸ் தேசத்து லூர்து நகரில் பெர்நதத் என்ற பெண்ணுக்கு அன்னை மரியா காட்சியளித்த, மசிபியேல் குகை போலவே இந்த கெபியை வடிவமைத்துக் கட்டியெழுப்பியவர் திரு. அல்போன்ஸ் கான்டிராக்டர், கருணையான முகத்தோடு தோன்றும் அன்னையின் திரு உருவத்தை வடிவமைத்தவர். சிற்பி, அமரர் மரிய ஜாயிஸ் அவர்கள், கெபியின் முன்பக்கம் காணப்படும் அகலமான மழைநீர் ஓடையின் மேல் 1995-இல் அன்றைய அரசு செயற்பொறியாளராக இருந்த திரு. கே.ரவிக்குமார் உதவியோடு காங்கிரீட் ஸ்லாஃப் அமைக்கப்பட்டது. மேலும் கெபியைச் சுற்றி சுவர், கம்பி வேலி போடவும். அன்றாடன் ஜெபிக்கவும். பார்பரிக்கவும் பெரிதும் உதவியவர்களின் திரு, ஜெ. பர்ணபாஸ், திரு சிலுவைராயன், திரு. ரந்து ஞானவாசகம், திரு ' சக்கரியாஸ், திரு. மரிய நேசையா மற்றும் மரியாயின் சேனை பெண்களில் ஊர்காள், புஷ்பம் செல்லம்மாள், அந்தோனியம்மாள். நட்சத்திரம் ஆகியோர் குறிப்பிடத்தகுந்தவர்கள்.

தற்போது "திருச்சபையின் தாய்” மரியாயின் சேனையினலர் தினமும் கெபியை சுத்தம் செய்து ஜெபம் செய்கின்றனர். இந்த கெபிக்கு 4.9.2022 அன்று கோட்டாறு மறைமாவட்ட ஆயர் மேதகு. நசரேன் சூசை வருகை தந்து, இறைமக்களைச் சந்தித்து உரையாடி ஆசி வழங்கியது குறிப்பிடத்தக்கது. ஒவ்வொரு மாத கடைசி சனிக்கிழமை 7.00 மணிக்குப் பங்குத்தந்தை தலைமையில் ஜெபமாலை மற்றும் நவநாள் வழிபாடு நடைபெறுகிறது.

வருடம் தோறும் 3 நாள் விழா நடத்திவந்த நிலையில், 2007 முதல் பெப்ரவரி 2-ஆம் தேதி முதல் 11- ஆம் தேதிவரை லூர்தன்னை நவநாள் விழாவும். சமயந்தியும் இப்பகுதி லூர்துமாதா இளைஞர்களும் இறைமக்களும் நடத்தப்படுகிறது.

குழந்தை இயேசு குருசடி

அருட்தந்தை அமல்ராஜ் நேவிஸ் பங்குத்தந்தையாக இருந்த காலத்தில் அப்போதைய தலைவர் திரு.ஆ. மரிய ஜாண்சன் அவர்கள் முயற்சியால் நன்கொடைகள் பிரிக்கப்பட்டுக் குழந்தை இயேசு குருசடி கட்டப்பட்டது. 1992 இல் அர்ச்சிக்க்ப்பட்டு திறக்கப்பட்ட புனித சூசையப்பர் குருசடியில் வைப்பதற்காகத் தயாரிக்கப்பட்டு, அளவு பெரிதாகி விட்டதால் அதில் பயன்படுத்த முடியாமல் 8 வருடங்களாக ஆலயத்தில் இருந்த குழந்தை யேசு கரூபம் சிறப்பாகப் புதுப்பிக்கப்பட்டுக் குருசடியில் வைக்கப்பட்டது. அருட்தந்தை" அமல்ராஜ் நேவிஸ் அவர்களால் 28-12-2000 அன்று இது அர்ச்சிக்கப்பட்டுத் திறக்கப்பட்டது. வியாழன் தோறும் மாலை நவநாள் மற்றும் திருப்பலி தற்போது நடைபெற்று வருகிறது.

புனித சந்தியாகப்பர் குருசடி

கார்மல் நகர் பங்கின் ஐந்தில் ஒரு பங்கு இறைமக்கள் வாழும் பங்கின் இதயப் பகுதியான செயின்ட் மேரீஸ் தெருவில், அருள் பிரகாஷ் தெருவின் கிழக்கு முகப்பும், விற்றில் பிளவர் தெருவின் வடக்கு முகப்பும் இணையும் பகுதியில் புனித சந்தியாகப்பர் குருசடி அமைந்துள்ளது. நூறு வருடங்களுக்கு முன் இந்த இடத்தில் பொது மக்களின் தண்ணீர் தேவையை பூர்த்தி செய்து வந்த ஒரு குடிநீர் கிணறும், சுற்றியிருந்த காலி இடமும் நூற்றுக் கணக்கான குடும்பங்களின் பயன்பாட்டில் இருந்தது. இந்த இடத்தில் ஒரு வழிபாட்டுத் தலம் அமைந்தால் இறை மக்களின் ஆன்மீகம் தளைக்கும். ஜெபத்தினால் மக்கள் ஒருங்கிணைவர் என்று கருதிய இப்பகுதிப் பெண்களின் முயற்சி அனைவரிடமும் பாசமுள்ள அன்னம்மாள் சகோதரியின் தலைமையில் ஒன்று பட்டது.

இம்முயற்சியில் அப்பகுதியைச் சார்ந்த திருமதி மரிய செல்வம். திருமதி ரோசம்மாள், திருமதி வின்சென்ட் எல்சி. திருமதி புஷ்பம், திருமதி ராஜரெத்தினம் ஆகியோர் இணைந்து, திரு ஜோக்கியரின் வடிவமைப்பீல், திரு. அற்காஞ்சல், திரு, யு ஸ்டீபன் அற்புதம், திரு அமிர்தராஜ், திரு.ஜாண் போஸ்கோ, திரு. ஜோக்கின் மற்றும் திரு ராசையா காண்ட்ராக்டர் ஆகியோரின் ஆதரவுடன் ஒரு குருசடி கட்டும் திட்டத்துக்கு செயல் வடிவம் கொடுத்தனர். இப்பகுதி நண்பர்கள் சங்க இளைஞர்களின் முழு உழைப்போடும். இப்பகுதி மக்களின் நிதி பங்களிப்போடும் சந்தியாகப்பர் குருசடி 1-5-1982-இல் அப்போதைய கார்மல் நகர் பங்குத்தந்தை அருட்பணி தாமஸ் பர்னாண்டோவால் அடிக்கல் நாட்டப்பட்டு, 8-9- 1982-ல் கோட்டாறு ஆயர் மேதகு ஆரோக்கிய சாமி அவர்களின் ஆசியோடு, முன்னாள் ஊர் தலைவர் சூசை வாத்தியார் அவர்களால் திறந்து வைக்கப்பட்டது.

பல்வேறு இன்னல்களிடையே புனித சந்தியாகப்பரின் அருளால் அமைந்திருக்கும் இடம் சம்பந்தமாக வழக்கு எண் 1066ஃ1992: 2004-ஆம் ஆண்டு ஜூலை திங்கள் 22-ஆம் நாள் கார்மல் நகர் திருக்குடும்ப ஆலயத்திற்கு சாதகமாகத் தீர்ப்பு பெற்றது புனித சந்தியாகப்பரின் முதல் புதுமையாகும்.

பின்பு 19-12-1987-ல் அன்றைய ஊர் தலைவர் பி. அந்தோணி முத்து, செயலர் எம். ஜோசப் ஜேம்ஸ்

மற்றும் பங்குத் தந்தை யுநு ரெத்தினசாமி மறைமாவட்ட சான்ஸ்லர், அருட்பணி ஐ குழந்தைசாமி ஆகியோரிடம் சந்தியாகப்பர் குருசடியின் திறவுகோலை இப்பகுதி மக்களின் சார்பாக திரு. எஸ்.எம். ஜேம்ஸ் ஒப்படைக்க, இந்த குருசடி கார்மல் நகர் பங்கு நிர்வாகத்தின் கீழ் கொண்டுவரப்பட்டது. அன்றாடம் இப்பகுதி பெண்களால் ஜெபமும், பிரார்த்தனைகளும் இக்குருசடியில் செய்யப்படும். எழுந்தருளிய புனித சந்தியாகப்பர், அன்னை வேளாங்கண்ணி ' கிறிஸ்து அரசர் ஆகியோருக்கு ஒவ்வொரு வருடமும் ஜூலை, செப்டம்பர் மற்றும் நவம்பர் மாதங்களில் முறையே 10 நாட்கள் விழாவும், இறைமக்களின் முழு பங்களிப்போடு நவநாள் வழிபாடும் நடத்தப்படுவது சிறப்பு. 4-12-2022 ஞாயிறு அன்று கார்மல் நகர் பங்குத் தந்தை அருட்பணி ளு. சகாயபிரபு தலைமையில், வட்டார குருகுல முதலவர் அருட்பணி சகாய ஆனந்த திருப்பலி நிறைவேற்ற, அருட்பணி ஆ.ஊ. ராஜன் புதுப்பிக்கப்பட்ட இந்தக் குருசடியை அர்ச்சித்துத் திறந்து வைத்தார். ஒவ்வொரு புதன் கிழமை மாலையில் சிறப்பு வழிபாடு நடைபெறுகிறது. மாதத்தின் மூன்றாம் புதன் வழிபாட்டுக்கு பங்குத்தந்தை தலைமையேற்கிறார். வருடந்தோறும் ஜூலை மாத திருவிழாவோடு சமபந்தி நடத்துவதோடு சந்தியாகப்பர் குருசடியை, இப்பகுதியில் செயல்பட்டு வரும் நணிபர்கள் வருகிறார்கள்.